Die pogings van die Kommunikasie en Beeldboubeleidskomitee en sy media betrokkenheid het veral ten doel om positiewe persepsies oor die landbou by die publiek te vestig. Die positiewe bydrae wat die landbou tot die ekonomie in die algemeen asook op sosiale- maatskaplike terrein lewer, vorm ‘n belangrike deel van die volgehoue kommunikasie-proses om ‘n gebalanseerde beeld van die landbou uit te dra. Verder word ondersteuning ook aan Agri SA aktiwiteite verleen, waardeur vennootskapsverhoudinge bevorder word om die beeld van die organisasie intern en ekstern te bevorder. Die klem word geplaas op die boer as betroubare voedsel- en veselverskaffer vir die inwoners van Suid-Afrika.

 RSG se Landbouprogram word al vir baie jare lank op die RSG senders uitgesaai. Die waarde van die program is daarin geleë dat landbou-inligting op ‘n gereelde basis gekommunikeer word. Agri SA is verantwoordelik vir die inhoud van die Maandagprogram wat tussen 12:30 en 13:00 uitgesaai word.